Les mots surlignés font l'objet d'une note
1Monsegnieur, estant arrivé en ceste ville à mon retour
2des montagnes, je vous ay faict ce depeche pour vous
3faire entendre lestat des affaires du Briansonnoys
4et comme le ministre Guerin, qui est à Molines, durant
5la suspention darmes, a saisi lesglize dudit lieu, la
6fortiffié à la faveur de ceulx d’Angrogne et des aultres
7vallées voisines suspectes. Il panse se rendre maistre
8de ce passage et de la vallée de Queras, que seroict
9grand preiudice pour le servisse du roy. Et si la guerre
10dure, cela importeroict grandement au bien de ceste
11province. Je vous envoie les lettres que les cappitaynes
12La Cazete, Marc et Ferrus vous escripvent ; et pource
13que je suis esté surprins en chemin plus longuement
14que je ne pensois pour la grand habondance des nèges
15que jay trouvé sur la montagnie de Lauteret,
16cela faict que votre segnieurie trovera les lettres dassés
17vielhe datte. Je neusse fally me transpourter par devers
18vous pour vous faire la reverance et rendre mon debvoir,
19neust esté que je me treuve malade et indisposé
20du travail du chemin. Si la guerre continue,
21la suspension darmes finie, il vous plaira, monsegneur,
22pour le regard dudit Molines. Monsieur de La Cazete
24massure quil semploiera pour ledit faict comme
25je ferey de ma part si votre segnieurie cognoist que
26je y puisse servir. Je vous envoie une lettre que le
27segneur Carles de Birague ma escript du XXIIII du passé,
28laquelle il vous plaira me renvoier et me
29comander voz bons plaisiers et je vous obeirey daussi
30bonne voulanté que je supplierey le Createur vous donner
31monsegnieur, en prosperité vie longue. De Grenoble, ce
32cinq[iesm]e febvrier 1574.
33Vostre très humble et obeyssant
34serviteur Guilh[aum]e eme